Angebot

 

Gedichte

Verse

Zeedel

Schnitzelbänke

Werbetexte und Slogans

Texte für Geburtstag, Hochzeit, Fasnacht, Jubiläen

Vereins- und Geschäftsanlässe usw.

 


Mecht’sch ebbis dichte ebbis schrybe
Und dien d’Gedangge stegge blybe
duet trotz allem fescht studiere
Im Hirni obe nyt passiere
Findsch dr Afang nit zem schrybe
Waisch was, los es aifach blybe
Lyt doch schnäll im Dichter a
Will är das viellicht besser ka
Uf Hochdytsch oder Dialäggd
Ob luschtig oder au gepflägt
Sag em doch um was es goht
Denn git är dir dr gueti Rot
In Form vo zwaier Megligkaite
Wo du dr’zwische kasch entschaide
Die erschti ghert nit zue de guete
Mach wyter bis dr Kopf duet bluete
Die zwaiti wär jedoch die bescht
Dr Dichter schrybt dä Värs firs Fescht
Egal obs fir e’Hochzyt isch
Ä r schribts wenn Du ihm d’Date gisch
Au fir Geburtsdäg, Kommunion
Oder d’Konfirmation
E’Gschäftsalass e Jubiläumsfescht
Mit hundert oder no meh Gescht
E’Grabred fir die liebe Frind
Wo fir immer gange sind
Jä das wurdi scho au maine
E’Grabred muess sich scho nit raime
Usser s’syg grad au Di Wunsch
Denn isch’s au klar dass das bikunsch
Uf kai Fall wärdet Dir’s beraije
Und dr Dichter wurd sich fraije